mksqen

Силно невреме ја погоди Истра

Силно невреме ја погоди Истра

Типографија

Невреме проследено со пороен дожд, грмежи и силен ветер, вчера, го погоди западниот дел на храватскиот полуостров Истра.

Како што јавија хрватските медиуми, од невремето најтешко е погоден реонот околу градот Пореч, каде наврнале речиси 80 милиметри дожд на метар квадратен.

Улиците во градот биле прекриени со вода, а поплавени се приземните и подрумските простории на повеќе деловни и станбени објекти.

Претставник на регионалната противпожарна служба соопшти дека пожарникарите интервенирале на околу 30 повици поради поплави во семејни куќи, подруми и деловни простории.

Многу граѓани останале заглавени во своите возила, бидејќи не можеле да се движат по полавените улици.

Надојдената вода навлегла и во машинскиот дел на аквапаркот во местото Зелена лагуна, поради што објектот е затворен.

Метеоролозите предвидуваат дека нестабилно време ќе продолжи и во наредните часови, додавајќи дека главниот ударен бран на дожд допрва доаѓа.

Поради ваквите најави локалните власти апелираа до граѓаните да ги остранат своите возила од критичните локации и да ги тргнат вредните предмети од просториите кои би можеле да бидат поплавени.

BLOG COMMENTS POWERED BY DISQUS
Пријавете се преку нашата бесплатна е-мејл претплата на услуги за да добивате известувања кога ќе има нови информации.

Најпопуларни вести во категорија Балкан