Општина Зрновци почна со изградбата на втората фаза за регулација и уредување на коритото на Зрновска Река.
Проектот општината го реализира со финансиска поддршка од ИПА програмата.
- Со реализација овој проект Зрновска Река ќе се регулира во должина од 463 местри со што ќе се придонесе за заштитата на објектите во близина на речното корито. Средствата за изградба на речното корито се обезбедени од ИПА грантот за развој на руралните средини и се во висина од 10 милиона и 700 илјади денари - вели Блаже Станков.
Речното корито на Зрновска Река се очекува да биде комплетно завршено за два месеца. Со реализација на овој проект ќе се подобри изгледот во центарот на населеното место Зрновци.
