Продолжува деградацијата - опожарена трска покрај Охридско Езеро

Членовите на оваа иницијатива се сомневаат дека пожарот бил намерно подметнат, бидејќи на местото се градела пешачка патека и се тампонирал пределот. На локацијата имало други грмушки и се претпоставува дека сторителите сакале нив да ги изгорат, но огнот зафатил и дел од трската.

• За еколошката функција на трската сме пишувале повеќепати. Воедно, жители на таа област не информираат дека повеќе пати и мрежи се расфрлале таму за лов на крап, но се плашеле да пријават за да не се доведат во опасност - пишуваат од иницијативата.

Тие посочуваат дека ако не се направи обид да се најде сторителот што ја опожарил трската, ќе ги сметаат институциите за поддржувачи на, како што велат, противзаконското и нечовечко дејствување.