Јавното комунално претпријатие „Стандрад“, кое, освен за водоснабдувањето, се грижи и за хигиената во Дебар, почна со акција за чистење на дивите депонии.
- Депониите ги има насекаде, што секако даваат грда слика за градот и за нас како претпријатие, иако ние немаме никаков удел во нивното создавање. Нив ги создаваат несовесни граѓани, кои отпад фрлаат каде ќе стигнат, па дури и при празни контејнери отпадот го фрлаат околу нив, а не во нив - вели Омер Цами, раководител за секторот за комунална хигиена.
Исто така, додава тој, дел од граѓаните, кои вршат одредени санации и реконструкции во своите домови, градежниот отпад го фрлаат во контејнери од каде нашите возила не може да ги подигнуваат бидејќи тоа ги оштетува истите, поради што мораме да превземаме други мерки, кои бараат и дополнителни средства.
