Тигар во Зоолошката градина во кинескиот град Нингбо уби човек, кој за да избегне плаќање билет го прескокнал ѕидот и влегов во кафезот со тигари.
Тигарот го усмртија службениците од специјалната единица на локалната полиција во зоолошката градина Јунгор.
Како што јави Би-Би-Си, човекот итно е пренесен во најблиската болница, но лекарите можеле само да констатираат смрт.
После нападот, Зоолошката градина е затворена за посетителите, соопшти државната ТВ.
Нападот се случил околу два часот попладне, пред очите на посетителите, од кои некои поставиле на интернет видео снимки и фотографии од нападот.
На снимките може да се види човек во сина маица и црни панаталони како лежи на земјата, додека тигарот со забите го држи околу вратот и главата, а другите два тигри кружат околу него.
