И Бразил го ратификуваше парискиот договор за климатски промени

• Прашањето на климатските промени излезуга од границите на државата, тоа е прашање на глобално ниво. Нашата влада води грижа за иднината и се што се прави е Бразилците да имаат подобар живот - вели бразилскиот претседател Мишел Темер.

Бразил е најголема држава во Јужна Америка и емитува 2,5 отсто од вкупната светска количина на јаглерод диоксид и други штетни гасови, а во склад со Парискиот договор до 2025 година треба да ја намали емисијата за 37 отсто, а до 2043 година за дури 43 отсто. Бразил е земја која во последните 10 години успеа значително да ги редицира емисиите на штетни гасови благодарение на зголемената борба против уништувањето на шумите и областа околу Амазон, како и поради употребата на обновливи извори на енергија како вода и ветер.

Парискиот договор е донесен минатата година на самитот на 195 земји кои се обврзани да ги редуцираат емисиите на штетни гасови за два отсто, а договорот ќе стапи на сила кога ќе го ратификуваат 55 земји кои емитуваат 55 отсто од вкупните штетни гасови на глобално ниво.