Општина Кисела Вода во соработка со град Скопје и ЈП Комунална хигиена продолжува со реализација на проектот за поставување на подземни контејнери.
Во насока на подобрување на животната средина, во изминатиов период на три нови локации се поставени подземни контејнери и тоа во Урбаната заедница Драчево на улицата Коперникова, во населба Цветан Димов и на улицата Христо Татрчев во Расадник.
Со цел да се постигне повисок степен на хигиена и избегнување на непријатната миризба досега на шест локации на територијата на општина Кисела Вода се поставени подземни контејнери. Во реализацијата на овој проект и општината учествува со сопствени финансиски средства.
