Со цел да се поттикне еколошката свест кај младите, како и да се развие чувството за естетика и припадност кон заедницата, во ОУТУ „Ванчо Питошески“ во Охрид беа организирани неколку креативни работилници кои ја поттикнаа фантазијата на учениците.
Тие од стар отпаден материјал дворот на училиштето го претворија во пријатно место за одмор и дружење на учениците.
- Целта на оваа активност беше да се развие чувството на припадност и одговорност кон училиштето преку активности и неформална комуникација на учениците која доведе до зголемување на социјалните контакти, намалување на стереотипите и создавање на позитивна атмосфера - информираат од ОУТУ „Ванчо Питошески“.
