Штипското комунално претпријатие „Исар“ набави нова машина за отпушување на канализациската мрежа.
Директорот на ЈП „Исар“ Ангел Бојаџиев информира дека новата машина ќе се користи во реоните каде е тешко да влезе камионот „Канал џет“, со што на вработените ќе им се олесни работата на терен.
- Целиот град беше оставен само на „Канал џетот“. Секаде каде што има запушено канализација во домовите ќе ги вршиме и овие услуги и граѓаните можат слободно да се обратат во нашето претпријатие - рече Бојаџиев.
Новата машина за отпушување на канализациската мрежа чини шест илјади евра, а штипското комунално претпријатие во текот на наредниот период ќе набави и нов камион „Канал џет“.