Со промоција на филмот за изградбата на одводниот канал во Гевгелија и Студијата за канализирање на атмоферската вода, во Гевгелија заврши проектот „Заеднички активности за ефикасен менаџмент со градска вода во прекугранични региони“.
Проектотбеше реализиран во рамки на ИПА програмата за прекугранична соработка меѓу Македонија и Грција.
Гевгелискиот градоначачник Иван Франгов е задоволен од реализацијата на проектот популарно наречен „Аква М“.
- Во последната фаза ги доизградивме останатите 1.090 метри од одводниот канал кои недостасуваа за негово поврзување со реката Вардар, каде сега ќе се влева надојдената планинска вода за време на поројни дождови која честопати знаеше да им прави проблеми и да ги поплавува жителите околу каналот - вели Франгов.
Тој истакнува дека покрај ова завршена е и студијата за одводнување на атмосферката вода, која е предуслов за целосно решавање на проблемот.
