Земјотрес со интензитет од 5,4 степени според Рихтеровата скала е регистриран во источниот дел на грчкиот остров Крит.
Земјотресот бил почувствуван на цела територија на Крит, како и на островот Родос и предизвикал паника кај населението.
Епицентарот на земјотресот бил во морето меѓу островите Крит и Касос на длабочина од 77 километри.
Досега нема информации за евентуално повредени лица и причинета материјална штета.
