mksqen

Кувајт повторно урива температурни рекорди

Кувајт повторно урива температурни рекорди

Типографија

На територијата на Кувајт, емират на брегот на Персискиот Залив, се измерени 54 степени Целзиусови, што претставува највисоката измерена температура воопшто, во историјата на метеоролошките мерења, јави телевизијата „Ал Арабија".

Како што пренесува ТАСС, рекордната температура од 54 степени Целзиусови, односно 129 степени Фаренхајтови, е измерена во средата на 20 јули, во местото Мутриба, северозападен Кувајт. Податокот за светскиот рекорд, претставен од кувајтските метеоролози, денеска се потврдени и од Светската метеоролошка организација.

Претходно, температура од над 54 степени била регистрирана само двапати. На 10 јули 1913 година во Калифорнија, во т,н. Долина на смртта, каде живата достигнала 56,7 степени, а на 13 септември 1922 година, во италијанска воена база во либиската пустина се забележани 58 степени Целзиусови. И во двата случаи, според експерти, мерењата биле направени со уреди со сомнителна точност, така што, ниту едниот, ниту другиот податок, не се признати како веродостојни.

BLOG COMMENTS POWERED BY DISQUS
Пријавете се преку нашата бесплатна е-мејл претплата на услуги за да добивате известувања кога ќе има нови информации.

Најпопуларни вести во категорија Свет