mksqen

Осумнаесет лица загинаа во бури и торнада во САД

Осумнаесет лица загинаа во бури и торнада во САД

Типографија

Бројот на жртвите во бурите, торнадата и поплавите, кои го погодија јужниот дел на САД, достигна 18 лица.

Властите соопштија дека во државата Џорџија биле пронајдени уште неколку тела на загинати луѓе, со што жртвите од природната стихија во оваа држава достигна 14. Четири лица ги загубија своите животи во државата Мисисипи.

Гувернерот на Џорџија, Нејтан Дил прогласи вонредна состојба во неколку окрузи, кои беа најтешко погодени од невремето. Вонредна состојба е прогласена и во некои реони на Мисисипи.

Лоши временски услови ги зафатија и државите Тексас, Алабама, Луизијана и Флорида. Засега таму нема жртви. Во некои области биле разурнати или оштетени  згради.

Американскиот претседател Доналд Трамп вети федерална помош за Џорџија, Флорида и Алабама.

BLOG COMMENTS POWERED BY DISQUS
Пријавете се преку нашата бесплатна е-мејл претплата на услуги за да добивате известувања кога ќе има нови информации.

Најпопуларни вести во категорија Свет