mksqen

Метанот во атмосферата се зголемува поради биолошки причини

Метанот во атмосферата се зголемува поради биолошки причини

Типографија

Растот на количеството на метан во атмосферата не доаѓа од користењето фосилни горива како јагленот и нафтата, туку од биолошки извори, покажува едно неодамнешно истражување.

Според резултатите, изворот на овој гас се испарувањата на мочуриштата, варењето на храната кај кравите, како и одгледувањето ориз. Метанот е еден од гасовите што се главни причинители на ефектот на стаклена градина, кој ја заробува топлината во атмосферата и придонесува за глобалното затоплување. Тој е 83 пати посилен од јаглерод-диоксидот. Од 2007 година неговото присуство во атмосферата се зголемува, а во 2014 година стапката на тоа зголемување била двојно поголема во однос на претходните години. Но тоа главно било поради биолошки причини, а не поради согорување фосилни горива.

Истражувачите од Универзитетот на Лондон откриле дека емисиите на метан се највисоки во тропските краишта и дека доаѓаат од мочуриштата или од земјоделството, што е спротивно на вообичаеното верување дека тие доаѓаат од природниот гас, нафтата или јагленот.

BLOG COMMENTS POWERED BY DISQUS
Пријавете се преку нашата бесплатна е-мејл претплата на услуги за да добивате известувања кога ќе има нови информации.

Најпопуларни вести во категорија Свет