mksqen

Акција за чистење на диви депонии во општина Ѓорче Петров

Акција за чистење на диви депонии во општина Ѓорче Петров

Типографија

Општина Ѓорче Петров почна акција за интензивно отстранување на ѓубре на поголемите депонии на нивната територија.

Како што соопштија од општината, екипите и механизацијата на претпријатијата избрани за оваа намена исчистиле околу 40 илјади кубни метри градежен шут, кабаст отпад, стари електрични апарати и друго од депонијата во село Ново село која се протега на површина од 20 илјади квадратни метри.

Истата површина ќе биде засадена со садници и ќе се уреди како зелена површина.

  • Екипите ќе продолжат и со чистење на коритото на реката Лепенец се додека не се добие една уредна и чиста слика што ќе го разубави просторот - информираат од општина Ѓорче Петров.        

Од општината апелираат до граѓаните да не се одлага комунален смет и интерен отпад на диви депонии бидејќи строго ќе се применува законот за јавна чистота и ќе се преземат високи и ригорозни казни.

BLOG COMMENTS POWERED BY DISQUS
Пријавете се преку нашата бесплатна е-мејл претплата на услуги за да добивате известувања кога ќе има нови информации.

Најпопуларни вести во категорија Скопје