mksqen

Јавното комунално претпријатие во Ресен доби багер-ровокопач

Јавното комунално претпријатие во Ресен доби багер-ровокопач

Типографија

Јавното комунално претпријатие „Пролетер“ од Ресен денеска доби багер-ровокопач во вредност од околу два милиони денари, средства што oпштината ги обезбеди преку проектот за заштита на Преспанското Езеро.

Со зголемувањето на капацитетите на ЈКП, како што рече градоначалникот на општина Ресен Ѓоко Стрезовски, ќе се овозможи поефикасно управување со отпадот во општината.

  • За потребите на ЈКП „Пролетер“ општината планира да набави и урбано возило за подигање и транспорт на комунален отпад, кое посебно ќе биде наменето за оние градски улици каде постоечката механизација нема пристап - истакна Стрезовски.

Според директорот на претпријатието Љупчо Крстевски, багерот ќе овозможи голема флексибилност во урбаните средини.

  • Машината ќе се користи за одржување на водоводната мрежа, за копање ровови, кршење асфалт и многу други операци во процесите на интервенција на дефекти на водоводна и канализациска мрежа, како и операции поврзани во градската депонија - рече Крстевски.

Преку проектот за заштита на Преспанското Езеро во висина од околу шест милиони швајцарски франци, изминатите две години реализирани се активности за зајакнување на капацитетите на ЈКП, но и во делот со изградба на системи за одведување на отпадни води низ населените места во општина Ресен, подобрување на водоснабдувањето преку рационално искористување на природните ресурси, поддршка на Паркот на природата Езерани, како и подршка на воспоставениот мониторинг на Преспанското Езеро.

Проектот го реализираат општина Ресен и УНДП со донаторски средства од Швајцарската агенција за развој, а ќе трае до 2018 година.

BLOG COMMENTS POWERED BY DISQUS
Пријавете се преку нашата бесплатна е-мејл претплата на услуги за да добивате известувања кога ќе има нови информации.

Најпопуларни вести во категорија Македонија