mksqen

Скопје најстудено, Гази Баба назагадена

Скопје најстудено, Гази Баба назагадена

Типографија

Времето во Македонија ќе биде сончево со мала до умерена облачност, а во јужните делови претежно облачно. Ќе дува слаб до умерен ветер од југоисточен правец.

Минималната температура се движеше од -5 во Скопје Петровец, -4 во Крива Паланка, Скопје-4 Зајчев Рид и Куманово, -3 во Тетово, -2 во Маврово, -1 во Дебар, Крушево и Берово, 0 во Лазарополе, Пожаране и Ѓуриште, 1 во Виница, 2 во Штип и Тополчани, 3 во Претор, Демир Капија, Струмица, Прилеп и Битола, 4 во Охрид, до 6 во Дојран и Гевгелија.

Максималната температура ќе биде во интервал од 5 до 11 степени.

Во Скопје времето ќе биде сончево со мала до умерена облачност и слаб до умерен ветер од југоисточен правец. Максималната температура ќе достигне до 7 степени.

Во наредните денови ќе преовладува стабилно време со ниски утрински температури. Повеќе облачност ќе има во јужните делови. Утре по одделни котлини ќе има појава на утринска магла, а во среда ќе дува умерен до засилен северен ветер.

Утрово во скопскиот регион се измерени концентрации на ПМ10 од 433,18 микрограми на метар  кубен во Гази Баба, 191,57 кај Ректорат, 184,01 во Лисиче, 165,95 во Карпош, 138,83 во Миладиновци и 109,78 во Центар.

На другите мерни станици се измерени 126,49 микрограми во Битола, во Кичево 148,06, Тетово 95,82, Велес 126,87, Кочани 118,48 и Куманово 83,81 микрограми на метар кубен.

BLOG COMMENTS POWERED BY DISQUS
Пријавете се преку нашата бесплатна е-мејл претплата на услуги за да добивате известувања кога ќе има нови информации.

Најпопуларни вести во категорија Македонија