mksqen

Зголемено ниво на комунална бучава во Куманово

Зголемено ниво на комунална бучава во Куманово

Типографија

Резултатите од мерењето на комуналната бучава што неодамна го извршија екипите на Центарот за јавно здравје Куманово, покажуваат дека е зголемено нивото на бучавата во речиси сите мерни места во градот, односно на десетте крстосници кои беа опфатени со мерењата, информираа  надлежните од Центарот за јавно здравје.

Специјалистот по хигиена од оваа јавна здравстевна установа, д-р Мимоза Величковски, информираше дека граничните вредности, се зголемени од пет до десет децибили над утврденото гранично ниво. Најниско ниво според правилникот е потребно во првиот степен каде што се лоцирани здравствените установи, додека највисокото е дозволено во четвртиот каде се сместени индустриските зони.

  • Нашите мерења покажуваат остапувања од граничните вредности, така што во зоната од втор степен препорачани вредности за  дневна и вечерна бучава се 55 децибели, а за ноќната која е после 23 часот се уште пониски-45 децибели дозволени. Мерењата покажаа отстапувања од пет до десет децибели од дозволените вредноти. Најчеста причина е високиот интензитет на сообраќајот, бучавата од градежните активности и од активностите на граѓаните - вели Величковски.

Што се однесува до здравствените ефекти од преголемата изложеност на населението од бучавата кои ги предизвикува зголемената комунална бучава, додава д-р.Величковски, се одредуваат според индикаторите за бучава.

  • Тоа е пореметување на сонот, потешко заспивање, будење во текот на спиењето и појава на возмениреност која е индикатор на повисока бучава - објаснува Величковски.

Постојат, посочува, и други фактори кои одредуваат колку бучавата влијае врз популацијата, а тука е и субјективното чувство за бучавата и колку вознемирувачко делува кај граѓаните. Вознемиреноста од бучавата, додава Величковски, може постепено да доведе до зголемувањето на крвниот притисок, незадоволство, неуспешност во работата, слаба концентрација кај учениците во текот на работниот ден.

Мерењата на бучавата се спроведуваат два пати годишно на десет локации во градот. Локациите каде се мери бучавата  одредени се  во соработка со Министертвото за животна средина и просторно планирање.

BLOG COMMENTS POWERED BY DISQUS
Пријавете се преку нашата бесплатна е-мејл претплата на услуги за да добивате известувања кога ќе има нови информации.

Најпопуларни вести во категорија Македонија