Мапа што покажува колку земјата се сменила од 1980 година досега

Новиот систем ќе им овозможи на научниците попрецизно да следат како биомите реагираат на глобалното затоплување. Тој користи стателитски системи што редовно мерат каква е вегетациската активност, температурата и влажноста на почвата во секој биом. Со овој систем веќе се измерило дека од 1980-тите години досега се смениле 13 отсто од вегетациските формации на Земјата.

• Ова покажува дека се случуваат значителни промени во карактерот на Земјината површина. Меѓу другите примери, делови од Намибија и од северна и централна Австралија се смениле во посуви категории на биоми, а некои системи што студот ги ограничувал да се развиваат, сега се попродуктивни - рекол Стивен Хигинс, ботаничар од универзитетот во Отаго, кој го раководи проектот.

Според ова, додека едни делови од Земјата опустинуваат, други зазеленуваат. Една неодамнешна студија покажала дека делови од централна и од северна Африка станале позелени поради зголемените емисии на јаглерод-диоксид и растот на температурата на Средоземно Море.