Пратениците од Европскиот Парламент ја усвоија спогодбата од Париз за борбата против климатските промени, со што се отвара патот за негово стапување во сила.
Со усвојувањерто во Европарламентот минат е бараниот минимум од 55 отсто земји - емитери на штетни гасови кои треба да ја усвојат спогодбата за да стапи во сила.
За спогодбата гласаа 610 пратеници, против беа 38, а 31 пратеник беа воздржани.
Спогодбата не можеше да стапи во сила се додека 55 држави, на кои отпаѓаат барем 55 отсто од светските емисии на штетни гасови, не го усвоија овој документ.
Пред усвојувањето во ЕП, тоа до сега го направија парламентите од 62 држави, кои сочинуваат 52 отсто емисии.
Гласањето во Стразбур беше одржано во присуство на генералниот секретар на Обединетите нации, Бан Ки-мун.
