mksqen
09
Чет, Дек
0 Нови / 7 дена

Ураганот Деби без струја остави над 100.000 домови во Австралија

Ураганот Деби без струја остави над 100.000 домови во Австралија

Типографија

Повеќе од 100.000 куќи во Австралијасе без струја, како последица на ураганот Деби.

Циклонот погоди подрачје од над 1.000 километри и нанесе голема штета, поради која десетици илјади Австралијци се заробени од поплавите на источниот брег од земјата. Урнати се многу мостови, уништени се и патишта. Шест големи реки го достигнаа нивото на поплави, а водостојот и натаму расте, соопшти австралиското Биро за метеорологија.

Веќе беше објавено дека две жени загинале, а властите стравуваат дека уште луѓе го имаат загубено животот заради постојаниот раст на водостојот на реките.

Во јужен Квинсленд најтешко е погодено подрачјето околу местото Лисмор, каде водената буица и кал со височина од три метри носеле се пред себе. Нивото на вода и натаму расте, а врнежите не се намалуваат. Квинсленд е во целосна блокада, затворени се повеќе од 2.000 училишта, а без електрична енергија се неколку десетици илјади лица.

Војската мобилизира стотици војници со хеликоптери да ги снабдат најзагрозените подрачја со вода за пиење, храна и останати потребни производи.

BLOG COMMENTS POWERED BY DISQUS
Пријавете се преку нашата бесплатна е-мејл претплата на услуги за да добивате известувања кога ќе има нови информации.

Најпопуларни вести во категорија Свет