mksqen
09
Чет, Дек
0 Нови / 7 дена

Три нови земјотреси во Италија

Три нови земјотреси во Италија

Типографија

Три нови земјотреси се регистрирани во централниот дел на Италија, од кои последниот беше со интензитет од 4,2 степена, соопшти Медитеранскиот сеизмолошки центар.

Епицентарот на последниот потрес се наоѓал на 124 километри североисточно од Рим и бил на длабочина од два километра под површината на земјата.

Според истакнатиот италијански сеизмолог Џанлука Валенсисе, земјотресите кои го погодија централниот дел на Италија во последните два месеца би можеле да продолжат како домино ефект, така што еден силен потрес би можел да води кон друг долж централниот Апенински систем.

Потрес со интензитет од 6,6 степени, според Рихтерова, скала ја погоди оваа област, во која на 24 август загинаа 297 луѓе при земјотрес со интензитет од 6,2 степена.

Меѓу овие два земјотреса регистрирани се илјада помали потреси.

Последниот земјотрес не предизвика жртви, но беше најсилниот кој ја погодил Италија од 1980 година, една од сеизмички најактивните земји во светот.

Сеизмолог на италијанскиот Национален институт за геофизика и вулканологија истакна дека постои „геодинамичка поврзаност“ меѓу катастрофалниот земјотрес во август и сите останати кои следеа.

Валенсисе нагласи дека потресите ќе траат „уште барем неколку недели“, но не може да се процени дали во тој период ќе има уште силни земјотреси.

BLOG COMMENTS POWERED BY DISQUS
Пријавете се преку нашата бесплатна е-мејл претплата на услуги за да добивате известувања кога ќе има нови информации.

Најпопуларни вести во категорија Свет