Третата годинашна авионска и терестрична дезинсекција против ларви од комарци на подрачјето на град Скопје ќе се реализира викендов, најавуваат од градот Скопје.
- Третата фаза на аеросолната дезинсекција (авионска) ќе се реализира в сабота, во периодот од 6 до 12 часот. Притоа ќе бидат опфатени сите мочуришта, канали и стоечки водени површини во градот Скопје и неговата околина, како и течението на реката Вардар. Терестричната дезинсекција ќе се реализира в понеделник, во период од 9 до 17 часот. Притоа ќе бидат опфатени сите стоечки водени површини, канали, езера во Градски парк, езеро Треска и по течението на Вардар - соопшти градската управа.
Доколку временските услови не го дозволуваат вршењето на аеросолната дезинсекција, авионската дезинсекцијата ќе се изврши првиот нареден ден, кога тие ќе бидат поволни, во истиот термин, а согласно на тоа ќе се извршува и терестричната дезинсекција.
Од градот Скопје ги известуваат пчеларите навреме да ги преземат потребните мерки за заштита на пчелите.
BLOG COMMENTS POWERED BY DISQUS
