mksqen
04
Саб, Дек
0 Нови / 7 дена

ЕЛЕМ Енергетика почна со испорака на топлинска енергија

ЕЛЕМ Енергетика почна со испорака на топлинска енергија

Типографија

Подружницата на Електрани на Македонија, ЕЛЕМ Енергетика почна со производство, дистрибуција и снабдување со топлинска енергија на своите корисници, десет дена пред официјалниот почеток на грејната сезона.

Од Електрани на Македонија информираат дека г реењето почна порано поради падот на надворешните температури особено во утринските и во вечерните часови.

И Регулаторната комисија за енергетика потврди дека веќе се создадени услови за почеток на грејната сезона за тарифните потрошувачи приклучени на овој капацитет.

Во изминативе денови стручни екипи вршеа ладни проби на системот со цел да се отстранат евентуалните недостатоци и да се обезбеди сигурно и квалитетно снабдување со топлинска енергија на постојните корисници.

Услугите на ЕЛЕМ Енергетика ги користат 3.514 домаќинства, 17 воспитно образовни институции (основни и средни училишта и детски градинки) и 75 деловни субјекти во скопските населби Железара, Автокоманда, Триангла, Маџари и Хиподром.

  • Со почетокот на грејната сезона, потрошувачите сите потребни информации ќе може да ги добијат во канцеларијата за односи со јавност, лоцирана во управната зграда на ЕЛЕМ Енергетика, а за дефекти или рекламации, може да ги користат телефонски броеви 3104 816 и 3104 872 - се наведува во соопштението од Електрани на Македонија.


BLOG COMMENTS POWERED BY DISQUS
Пријавете се преку нашата бесплатна е-мејл претплата на услуги за да добивате известувања кога ќе има нови информации.

Најпопуларни вести во категорија Скопје