mksqen
17
Пет, Сеп
0 Нови / 7 дена

Струмичани доставиле 70 пријави за штети од јануарските снежни врнежи

Струмичани доставиле 70 пријави за штети од јануарските снежни врнежи

Типографија

Седумдесет жители на општина Струмица поднеле барање за претрпени штети од снежните врнежи во јануари до комисијата за утврдување и проценка на штети од природни непогоди при Советот на општина Струмица.

Најголем дел од пријавите, односно, 52 се од населеното место Куклиш, а останатите од други населени места.

Според Ацо Ѓоргиев претседател на Комисијата, увидот на терен се уште трае, а по неговото целосно завршување ќе се прават пресметките и извештајот ќе биде доставен до Советот на општина Струмица.

По усвојувањето од Советот, извештајот за проценетата штета ќе биде доставен до Републичката комисија за процена на штети, а потоа до Владата која ќе донесе конечна одлука, дали ќе има и во колкав процент ќе биде обештетувањето.

BLOG COMMENTS POWERED BY DISQUS
Пријавете се преку нашата бесплатна е-мејл претплата на услуги за да добивате известувања кога ќе има нови информации.

Најпопуларни вести во категорија Македонија